Formalizamos unha colaboración e un entendemento que xa ten un tempo.
agora.gal é unha plataforma de agregación e distribución de contidos dixitais. Esta iniciativa quere aportar valor para os proxectos que apostan pola comunicación en galego, aumentando a visibilidade e o tráfico das súas webs, e tamén para os lectores, que terán na mesma páxina unha porta aberta a fontes moi diversas.
agora.gal pretende ser un espazo de encontro de creadoras e creadores en galego.
Agora mesmo contan con máis de corenta proxectos asociados, pero queren seguir medrando.
Para iso, podes picar nesta ligazón e dar de alta o teu blogue en agora.gal. Unha vez procesen a túa solicitude o teu contido aparecerá na súa web e nas redes do medio.
