O centro de axuda reúne guías en galego e permite abrir unha consulta sen saír do panel. Primeiro podes buscar unha resposta; se non resolve o teu caso, hai alguén ao outro lado.

O novo directorio permite atopar webs e blogs en galego por tipo e temática. Aparecer é voluntario: ti decides se queres que o teu sitio forme parte del.

fala prepara os enderezos, o mapa do sitio e a información coa que buscadores e redes entenden cada páxina. Ti podes afinar o título e a descrición, pero non necesitas instalar nin configurar unha ferramenta de SEO.

Escolle a cabeceira, o pé, as cores, a tipografía e a forma de amosar o blog desde opcións xa preparadas. Podes facer un sitio recoñecible sen tocar código nin construír cada páxina desde cero.

En fala entras para escribir, cambiar o aspecto ou consultar as visitas, non para aprender a administrar WordPress. O novo panel reúne o importante nun espazo claro, a todo ancho e en galego.

Que fago cos datos de quen visita a túa web: analítica propia, sen Google, sen captchas de terceiros e sen rastrexadores. A resposta curta é nada.

Uns 235 sitios da rede levan anos sen tocarse e 262 case non se editaron nunca. A saída fácil sería borrar e quedar cunha rede limpa. Non o vou facer: o galego publicado nestes anos é patrimonio. Explico que significa arquivar, cando se avisa e como recuperar o teu.

Ata agora, crear unha web en Fala.gal era encher un formulario e apañarse. O novo asistente convérteo nun proceso guiado de cinco pasos que deixa o sitio configurado, cun deseño coherente e contido de exemplo. Explico como funciona e por que agora hai que aprobar as altas.

Abrín unha enquisa para saber como se usa a rede e que preocupa a quen ten un sitio. Non era un formulario para aparentar que preguntaba. Recollo o que máis se pediu, o que máis medo dá perder e as cousas concretas que cambiaron no plan por causa das respostas.

Todos os sitios pasarán polo novo sistema, pero non todos cambiarán igual. Este é o artigo práctico: como saber canto che afecta a ti, que se conserva sempre, que se pode perder, como ver o resultado antes de aplicalo e a quen escribir se algo rompe.