Novas de fala.gal
Fala.gal é gratuíta, non ten publicidade e non vende datos. É normal preguntarse onde está a trampa. Non a hai, pero unha rede gratuíta non é unha rede sen custo: hai servidores, mantemento e horas de traballo. Explico quen sostén isto e que faría falta para que fose máis sólido.
Un texto gris claro sobre branco pode quedar elegante nunha captura e ser ilexible nun móbil ao sol. Estas decisións apenas se notan cando todo funciona, pero deciden se unha rede pública serve para todo o mundo. Conto as que tomei no tema novo e por que non as negocio.
Deseñar unha web e deseñar un sistema para máis de 400 sitios son traballos distintos. O novo tema non parte de cores concretas, senón de seis funcións de cor, catro variacións e 33 patróns. Conto como está construído e por que no contraste non hai excepcións.
Estou a usar intelixencia artificial para reconstruír Fala.gal e prefiro dicilo claro. Non decide nada: o que fai é que unha rede sen orzamento poida permitirse funcións propias en vez de depender de plugins xenéricos. Conto en que a uso, en que non, e cales son os seus límites.
Se hai ferramentas que fan webs bonitas arrastrando caixas, por que non usar unha? Porque nunha rede pública o que importa non é a páxina de hoxe, senón que o contido siga sendo editable dentro de dez anos. Explico a decisión e tamén o que se perde con ela.
Desde 2020 creáronse 463 sitios en Fala.gal, pero só arredor de 108 se usan con regularidade e 262 non se editaron case nunca. Publico os números da auditoría, incluídos os que non deixan a rede en boa posición, porque sen eles non se entende a renovación.
Ningún cambio se improvisa no servidor real. Clonei a rede enteira nun equipo local: 18.452 táboas, 16 GB de ficheiros e 146.499 substitucións de enderezos. Alí ensaiei a actualización de WordPress en 434 sitios antes de tocar nada en produción.
Publicouse spam en catro sitios da rede a través de contas vulneradas. Xa está limpo e a administración global nunca foi comprometida. Conto o que pasou, como se entra normalmente nun WordPress e por que reducir a plataforma ao esencial é tamén unha medida de seguridade.
A renovación de Fala.gal non é só unha actualización técnica. Na rede conviven dous sistemas de edición distintos e decenas de temas e plugins acumulados durante seis anos, sobre unha base que xa non aguanta máis remendos. Explico o diagnóstico e que sitios se verán máis afectados.
Desde 2020, fala.gal permitiu crear case 500 webs e blogs en galego, de balde e sen coñecementos técnicos. Blogs persoais, asociacións, revistas, proxectos musicais, aulas… Unha pequena rede que medrou máis do que esperabamos e que hoxe é un anaco … Ler máis
